DOTr Sec Dizon, ginpahalin ang 5 ka pulis sa airport bangud sa korapsyon

Ginmandu sang Department of Transportation (DOTr) ang pagpahalin sa 5 ka mga pulis sa airport.

Kasunod ini sang reklamo nga sobra ang pagpabayad sa mga taxi drivers sa Ninoy Aquino International Airport (NAIA).

Suno kay DOTr Secretary Vince Dizon, una nila nga suspendihon ang mga ini kag imbestigahan tubtob lubos nga ma-dismiss.

Gindugang pa sang tiglikom nga gin-ako sa iya sang taxi driver nga napilitan siya nga ihatag ang 40 porsyento sang iya kita sa airport police.

Kon mapaslawan ini, harasson nila ini kag indi na pagtugutan nga makasulod sa NAIA.

Ginmanduan man ni Dizon ang Manila International Airport Authority nga imbestigahan ang nasambit nga buhat.