Kilig overload ang ginpakigbahin nanday Dominic Roque kag Sue Ramirez sa ila nga birthday celebration kahapon, Hulyo 20.
Nahibaluan nga pareho nga ginbun-ag sa pareho nga adlaw ang rumored couple, kag wala nila ginpalampuwas ang kahigayunan agud tamyawon ang isa kag isa sa Instagram.
“Happy Birthday to us, bby,” sweet nga post ni Dominic sa iya nga IG story.
Ginsabat naman ini ni Sue sang: “Happy birthday, my [Dominic Roque].”
Pero ang mas nakakakilig? Isa ka IG story gikan sa abyan nila nga si Clara Chua ang nagpakita sang intimate moment sang duha—isa ka tukaan moment nga agad gin-repost ni Dominic.
Madugay na nga ginahuring-huring nga may espesyal nga relasyon ang duha, ilabi na kag spotted sila nga naga-kiss sa isa ka bar sa Siargao sadtong Nobyembre 2024.
Pero sadtong Disyembre 2024 lang ginkumpirma nanday Sue kag Dominic nga may nagapatunga sa ila.
Kaangay nga indi lang birthday ang ginaselebrar nila—love is clearly in the air!
