ROXAS CITY-Natalana nga magtukod sang isa ka task force ang talatapan sang Department of Public Works and Highways (DPWH) Capiz First Engineering District agud masolusyonan ang pag-park sang mga salakyan sa mga national highways nga sakup sang probinsiya.
Ini ang ginpasalig ni Engr. Julius Abela, Chief sang Maintenance and Construction Division sang DPWH-Capiz First Engineering District sang mainterview sang Bombo Radyo.
Sa interview sang Bombo Radyo kay Abela, aminado ini nga madamo sa guihapon sang mga indibidwal nga naga-park sang ila nga mga salakyan sa mga national highways sa pihak nga nakapalada na ini sila sang notisiya sa mga natungdan sang mga tinalikdan nga tinuig.
Suno sa kay Abela nga hugot nga ginadumilian ang pagpark sang mga salakyan sa mga national highways bangud naga hamper ini sa dalagan sang trapiko sa karsadahon.
Ginpunto sini nga may yara sang mga layi nga ginapatuman ang pungsod natuhoy sa iligal nga pag-park sang mga salakyan sa mga national highways.
Ginpasalig ni Abela nga magatukod sila sang task force kaupod ang iban nga ahensiya sang gobyerno kalakip na ang lokal nga gobyerno sa probinsiya agud dalayon nga matapna ang amo nga problema.
Samtang nagpahandumdum naman ini sa mga indibidwal nga likawan ang pag-park sang mga salakyan sa national highway bangud ginatunaan man ini sang mga aksidente sa dalanon.
Nagpaandam man si Abela nga may yara sang penalidad kag mahimo mapasakaan sang panumbongon ang indibidwal nga mapamatud-an nga naglapas sang layi nautuhoy sa national highways.
