Naglunsyar ang Department of Public Works and Highways (DPWH) ang Oplan Kontra Baha sa probinsya sang Capiz agud matapna ang masami nga pagbaha, ilabi na sa Roxas City.
Sa amo nga programa, ginpresentar sang ahensya ang ila mga accomplishment sang mga proyekto sa probinsya.
Sa interview sang Bombo Radyo kay Atty. Sheila Artillero, Capiz Provincial Disaster Risk Reduction and Management Officer, iya ginpahayag nga tion na nga pasangkaron ang kampanya kontra baha bangud masami apektado ang mga pumuluyo kag mga mangunguma.
Suno kay Artillero, dako nga bulig sa mga pumuluyo ang amo nga programa agud makontrol ang pagbaha sa syudad.
Nagpasalig man ang mga opisyal nga hatagan sang prayoridad ang mga lugar nga kmasami ginabaha, lakip na ang pagtalakay sa kahimtangan sang Panay River bilang kabahin man sa ginalantaw nga solusyon sa problema sang baha.
Kadungan sang pagpakigsapol sang DPWH sa Capiz Provincial Government, gin-akigan ni Governor Fredenil Castro ang mga opisyal sang ahensya bangud sa mga delayed nga proyekto sa probinsya.
