ROXAS CITY – Nagpaathag ang pinuno sang Maintenance and Construction Division sang Department of Public Works and Highways (DPWH) Capiz 1st Engineering District natuhoy sa proyekto sang ahensiya sa Barangay Cagay, Roxas City nga ginareklamo sang madamo nga mga motorista kag pumuluyo.
Suno kay Engr. Julius Abela nga bisan sila ang ginasakuan naman nga matapos ang amo nga proyekto apang nagakaatrasar ini bangud sang masami nga pag-ulan.
Suno pa diri nga ang nasambit nga proyekto ang may yara sang pondo nga kapin 15 milyones pesos nga ginsuguran sadtong bulan sang Hunyo 2019 kag ginalauman nga matapos sa bulan sang Disyembre.
Ginpanindugan ni Abela nga wala sang kamatuoran nga wala sila sang may ginapahamtang nga mga early warning devices sa lugar bangud suno mismo sa project engineer, kumpleto sa early warning devices ang nagapadayon nga proyekto apang ginaguba kag ginakuha sang mismo nagalabay sa lugar.
Suno pa diri nga wala sila nagakulang sa pag-tsekyar sa lugar apang sa ila nga inspeksiyon, masamit makit-an nga guba na ang mga early warning devices.
Ginpahayag pa ni Abela nga wala man sang may nakadangop sa ila talatapan nga nagareklamo nga nagatuga sang houl ang nasambit nga proyekto bangud sa tuman ka gutok nga trapiko.
Sa ulihi ginpasiguro ni Abela nga matapos gid ang amo nga proyekto sa bulan sang Disyembre.
