Nagpagwa sang show-cause order ang Department of Public Works and Highways (DPWH) batuk sa contractor nga ginapahayag nga nagpadayon sa konstruksyon sa lugar nga sakop sang cease-and-desist order sa Taguig City.
Suno kay DPWH Secretary Vince Dizon, gilayon sila nga nagtikang matapos i-report ni Senador Panfilo Lacson ang ginapahayag nga pagpadayon sang konstruksyon sa amu nga lugar.
Ginsugo sang DPWH ang contractor nga maghatag sang explaination kag magsunod sa mando nga untaton ang tanan nga construction activities nga may kaangtanan sa ginapahayag nga ilegal nga reclamation sa Laguna de Bay.
Ginpahayag ni Dizon nga base sa pinakabag-o nga inspeksyon sang ahensya, wala na sang mga trabahador nga nagapadayon sang konstruksyon sa lugar.
Wala pa ginpahayag sang DPWH ang posible nga multa ukon iban pa nga penalidad kag hulaton anay ang sabat ukon paathag sang contractor.
Gindayaw ni Dizon ang importansya sang pagsunod sang tanan nga contractor sa mga mando sang DPWH, lakip na ang cease-and-desist order.
