-- ADVERTISEMENT --
Nagpasalig ang Department of Public Works and Highways ukon DPWH sa barangay officials sa Barangay Mongpong, Roxas City nga paga-umpisahan na subong nga pebrero ang pagka-ayo sang Circumferential Road sa lugar.
Sa interview sang Bombo Radyo kay Punong Barangay Ricky Donato, iya ginpahayag nga suno sa DPWH, isa sa mga rason sa atrasado nga proyekto amo ang may yara sang lubi sa area.
Suno kay Donato, sang iya nahibaluan gilayon niya ini nga na-settle ang isyu sa lugar.
Matandaan nga nagsugod ang proyekto sang March 6, 2025 kag matapos ini kuntani sang November 3, 2025 apang nagpangayo ini sang extension nga lima ka bulan.
