DPWH nagpatigayon sang declogging sa mga creek sa Barangay Lawaan, Roxas City

ROXAS CITY – Nagpatigayon sang declogging ang katapo sang Department of Public Works Highways ukon DPWH sa Barangay Lawaan, Roxas City.

Ini ang ginpahayag ni Eng. Julius Abela ang Maintenance and Construction division head sang Capiz 1st Engineering District sang (DPWH) sang mainterview sang Bombo Radyo.

Suno kay Abela nga nagpatigayon sila sang declogging sa mga creek agud nga mahagan-hagan ang pagbinaha sa nasambit nga barangay subongman ang pagbara sang tubig.

Mahibaluan nga isa ang Barangay Lawaan sa mga barangay nga masami ginabaha sa siyudad sang Roxas kun sa diin madamo na nga mga pumuluyo ang apektado sa tagsa ka magbubo ang mamunog nga pag-ulan.