Nagpaandam si Department of Public Works and Highways (DPWH) Secretary Manuel Bonoan sang posible nga “cleansing” sa sulod sang ahensya agud kakason ang mga malain nga opisyal kag empleyado, kasunod sang padayon nga imbestigasyon sa ginapahayag iregularidad sa mga flood control projects.
Ginsiling ni Bonoan nga gina-imbestigaran na sa karon sang DPWH ang mga district engineer kag opisyal nga naulamid sa mga “inferior” kag “ghost” flood control projects, partikular na sa primero distrito sang Bulacan.
Dugang pa sini, kinahanglan nga limpyuhon ang hanay sang DPWH kun ini ang makabulig agud mapabilin ang integridad sang ahensya.
Nagguha sa imbestigasyon nga isa ka contractor lamang ang may hawid sang 85 proyekto nga nagabalor sang kapin ₱6 bilyon sa nasambit nga distrito sa Bulacan.
Madumduman nga si Presidente Ferdinand Marcos Jr. ang nagpabutyag sang tuman nga kaakig sa mga ginapahayag nga mga iregularidad sa mga proyekto sa baha, nga iya ginhatagan sang pagtamoid sa iya nga ika-apat nga State of the Nation Address (SONA). Sang damlag lang man, personal sini nga gin-inspeksyon ang pila ka mga flood control projects.
Sa tunga sang kontrobersiya, pila ka mga senador kalakip si Senador Sherwin Gatchalian ang nagapanawagan nga magbiya si Bonoan bilang porma sang “delicadeza sa diin ginsabat ini ni Bonoan nga nakadepende sa desisyon sang Presidente kun kinahanglan na niya nga mag-leave samtang padayon ang imbestigasyon.
Sa pihak sang ma ini, nagapanindugan si Bonoan nga nagapabilin nga propesyonal ang kadam-an sa mga tawohan sang DPWH kag sarang nila nga masabat ang mga isyu nga ginapangatubang sang ahensya.
