Nagpaandam si Department of Public Works and Highways (DPWH) Secretary Vince Dizon nga makibot ang mga nagalaum nga mangin mas mahalog ang ang nagbulos sa iya nga si Department of Transportation (DOTr) Secretary Giovanni Lopez sa pag-address sang korapsyon sa ahensya.
Suno kay Dizon, kabaliskaran ang matabo bangud ginalauman sini nga mangin istrikto si Lopez sa pagpatuman sang mga reporma kag paghatag sang tikang batuk sa mga involved sa corruption.
Matandaan nga sang Octobre 23, nagbayluhanay sang position si Dizon Kag Lopez sandig sa direktiba ni President Ferdinand Marcos Jr.
Ginhatagan man pagtamod ni Dizon ang kinahanglanon nga tutukan ang Bulacan, partikular ang First District Engineering Office, nga isa sa mga lugar nga involved sa imbestigasyon may kaangtanan sa ghost flood control projectw.
Kadungan sini, ginpahayag ni Dizon nga may bug-os siya nga pagsalig sa desisyon ni President Marcos nga islan siya ni Lopez, kag nagpanindugan nga ang katuyuan sang ila appointment amo ang pagbag-o sang sistema may kaangtanan sa korapsyon.
