ROXAS CITY – Kalakip ang Schools Division Superintendent sang Roxas City kag Capiz nga gin-reassign sa Region VI.
Sandig sa memorandum sang Office of the Secretary sang Department of Education (DepEd) nalakip ang pangalan nanday Dr. Salvador Ochavo, Jr. nga igabalhin nagikan sa Capiz Division padulong sa Silay City Division.
Subong man si Dr. Feliciano Buenafe, Jr. nagikan sa Roxas City Division nga yara na karon sa Aklan Division.
Nagtal-os si Dr. Miguel Mac Aposin sang SDO-Aklan kay Dr. Ochavo.
Samtang, nagabalik si Dr. Roel Bermejo nagikan sa SDO-Iloilo, nga pagatal-usan si Dr. Buenafe Jr.
Bag-o man ang Schools Division Superintendent sang Iloilo City nga si Dr. Novelyn Vilchez, nagikan sa SDO-Silay City.
Samtang, ginbalhin si Dr. Ma. Luz Delos Reyes sa SDO-Iloilo, nagikan sa SDO-Iloilo City.
