Dra. Tormon, nag-resign bilang OIC sang RMPH; Dr. Francisco, nagtal-os sa posisyon

ROXAS CITY – Gindesignar ni outgoing Governor Esteban Evan Contreras bilang panibag-o nga OIC-Chief sang Roxas Memorial Provincial Hospital (RMPH) si Dr. Jheimar Francisco, tal-os sa nag-resign nga si Dra. Edmarie Tormon.

Wala man ginpahayag ang rason sa pagbiya ni Tormon, apang ginaalegar nga posible may kaangtanan sa ginapangatubang nga isyu sang ospital, sa idalom sang iya pagdumala.

Nagpungko bilang OIC Chief si Francisco, sumugod sang Hunyo 13 tubtob Hunyo 30, sini nga tuig.