ROXAS CITY – Madugay na nga nakabukas nga drainage system ang reklamo sang pila ka pumuluyo sa Barangay Libas sining syudad.
Apang sang mainterview sang Bombo Radyo, ginsiling ni Kapitan Richard Arrojado, Punong Barangay sang Brgy. Libas, mas maayo nga nakabukas lang ini agud madali malimpyuhan.
Suno kay kapitan nga pabay-an lang ini nga nakabukas kag nagakadapat limpyuhan agud nga indi magbara kag magtaas ang tubig.
Sa pihak nga bahin, gintuad sang punong barangay nga ginhimo nila ang tanan kaupod ang iya opisyales sang barangay agud malikawan nga magdugang pa ang kaso sang dengue rason nga isa lamang ang ila napagkit nga kaso.
Nangin preparado man sila matapos nga nakaeksperyensya sang mataas nga kaso sang dengue sa ila Brgy. sa nagliligad nga mga tinuig.
Dako man ang iya pasalamat sa mga opisyales sang barangay, ilabi na sa mga myembro sang 4P’s kun sa diin naghatag serbisyo, nagabulig magpanglimpyo nga wala nagaekspektar sang bayad matapos sang pagpanabraho.
Panugyan ni Kapitan Arrojado sa iya pumuluyo nga maghalong agud mapabilin ang ila ikaayong lawas.
