ROXAS CITY – Pilas ng naangkon sang driver kag backrider sang motorsiklo matapos ginaalegar bumunggo sa salakyan takna sa Crossing Talaban, Poblacion Sur Ivisan Capiz.
Ginkilala ang driver sang motorsiklo nga si Burgman Jose Abisan Jr, 52-anyos, kag residente sang Malocloc Sur, kag backrider sini nga si Filoleno Delmo, 64-anyos, nga residente naman sang Poblacion, Sapian Capiz.
Samtang ang driver naman sang Avanza nga salakyan ang ginkilala kay Irene Garcia, 41-anyos kag residente sang Poblacion sa amu man nga banwa.
Sa impormasyon nga nagikan sa Sapian Municipal Police Station, ginapahayag nga samtang ginasubay ni Garcia ang dalanon nagikan sa syudad sang Roxas kag padulong kun tani sa Sapian, aksidente nga bumunggo ang motorsiklo nga ginamaneho ni Abisan nga nagikan naman sa banwa sang Sigma.
Bangud sa impact sang pagkabunggo, natumba ang driver sang motorsiklo kag ang backrider sini kag ginapahayag nga nadulaan ang mga ini sang alinto.
Gilayon naman nga ginpadangat ang mga ini sa Roxas Memorial Provincial Hospital, para sa nagakaigo nga pagbulong.
Sa karon, yara naman sa kustodiya sang Ivisan Municipal Police Station ang nga motorsiklo para sa nagakaigo nga disposisyon.
