ROXAS CITY – Pilason ang driver kag pasahero sang isa ka tricycle matapos nga ginaalegar ginbungguan ang isa ka Toyota WIGO nga salakyan nga naka-parked sa Barangay Salocon, Panitan, Capiz.
Ginkilala ang mga napilasan nga sanday Ramer Billones 26-anyos sang Barangay Tabuc Norte kag Ramon Dial 54-anyos sang Barangay Agkilo sang nasambit nga banwa.
Base sa inisyal nga imbestigasyon sang Panitan PNP nga samtang naka-parked ang Toyota WIGO nga salakyan ni Kheynan Calvez 29-anyos sang Barangay Lanot sining siyudad aksidente na lamang ini ginbungguan sang tricycle nanday Billones.
Bangud sa impact sang pagkabunggo nag-angkon sang pilas sa lawas sanday Billones kag Dial nga gilayon naman gindala sa Bailan District Hospital para sa nagakaigo nga pagbulong.
Samtang, nag-angkon naman sang gasgas ang salakyan ni Calvez subongman ang tricycle ni Billones.
