-- ADVERTISEMENT --
ROXAS CITY-Nagreklamo sa Roxas City Police Station ang 41-anyos nga driver matapos ginaalegar wala ginhatag ang iya nga overtime pay sa natrabahuan sini nga opisina sa Burgos Street, Roxas City.
Sandig sa ginpabalhag sa Roxas City Police Station sang tagreklamo nga si Juvy Gonz, tumandok sang Aneni-e, Antique nga wala pa nahatag sang Jabez Lian Transport and Travel Services ang iya nga overtime pay sa sulod sang tatlo ka bulan nga nagalab-ut sa kapin P50,000.
Gindugang pa sang tagreklamo nga ginpahalin ini sang nasambit nga kompaniya kag tubtob gid lamang ini sa Disyembre 31, sini nga tuig.
Bangud diri, ginpakamayo na lamang sang tagreklamo nga iparekord sa pulisya ang natabo.
