ROXAS CITY – Patay ang isa ka 39 anyos nga driver sang motorsiklo matapos ang nagluntad nga aksidente sa Barangay Cagay, Roxas City.
Ginkilala ang biktima nga si Roy Espiritu, 39 anyos sang Barangay Ilas Sur, Dao, Capiz.
Base sa inisyal nga imbestigasyon sang mga kapulisan, ginamaneho ni Juliet Carcedo, 38 anyos sang Barangay Liong sining syudad ang iya salakyan kag ginasubay ang nasambit nga lugar sa diin pag-abot sa dalanon sang Barangay Cagay hinali na lamang nga nadulaan sang kontrol sa pagmaneho si Espiritu rason nga nagbunggo ini sa salakyan ni Carcedo.
Bangud sa mabaskog nga impact sang pagkabunggo, natumba ang motorsiklo kag nag-angkon sang patal nga pilas sa lawas si Espiritu.
Gindala pa ini sa ospital apang gindeklarar man ini nga dead on arrival.
