-- ADVERTISEMENT --
DAO,CAPIZ – Nagapabilin sa Roxas Memorial Provincial Hospital ang isa ka driver matapos naaksidente sa dalanon sang Barangay Matagnop, Dao, Capiz.
Ginkilala ang biktima kay John Villagracia, 21 anyos sang nasambit man nga lugar.
Sandig sa inisyal nga imbestigasyon sang Dao PNP nga samtang nagabiyahe ang biktima kag magapauli na kuntani ini sang hinali na lamang nga nag-slide down ang ginamaneho nga motorsiklo rason nga nag-angkon ini sang mga pilas sa lawas.
Gindala pa ang biktima sa Dao District Hospital apang gilayon man nga gin-referred sa Roxas Memorial Provincial Hospital para sa nagakaigo nga pagbulong.
Nahibaluan nga yara sa idalom sang impluwensiya sang makahulubog nga ilimnon ang biktima sang nagluntad ang aksidente.
-- ADVERTISEMENT --
