Driver pilason matapos nabungguan sang iya motorsiklo ang SUV nga salakyan sa banwa sang Jamindan, Capiz

ROXAS CITY – Pilason ang driver sang motorsiklo matapos ginaalegar nabungguan ang isa ka SUV nga salakyan sa Barangay Pangabuan, Jamindan, Capiz.

Ginkilala ang napilasan kay James Javier 32-anyos sang nasambitan nga lugar.

Base sa inisyal nga imbestigasyon sang Jamindan PNP nga samtang ginasubay ni Javier ang dalanon sakay sa iya nga motorsiklo aksidente na lamang sini nga nabungguan ang SUV nga salakyan ni Pedro Gernie Lura 32-anyos sang Barangay Poblacion sang amo nga banwa.

Bangud diri, nag-angkon sang pilas sa lawas si Javier nga gilayon naman gindapatan sang nagakaigo nga pagbulong.

Samtang, padayon naman ang imbestigasyon sang Jamindan PNP sa nagluntad nga aksidente.