ROXAS CITY – Pilas sa magkatuhay nga bahin sang lawas, ang naangkon sang 41-anyos nga driver matapos maaksidente sa ginamaneho sini nga motorsiklo sa Barangay Carida, Tapaz Capiz takna alas-6:00 sang gab-i Oktobre 7, 2023 sa Barangay Carida, Tapaz, Capiz.
Sandig sa nakuha nga impormasyon nagikan sa Bureau of Fire Protection (BFP) Tapaz, samtang ginasubay sang 41-anyos nga lalaki ang amo nga dalan padulong kun tani sa Barangay Garcia sang hinali na lamang ini nga nagpreno bangud sa nakit-an nga layaw nga ido nga yara sa dalan.
Bangud sa insidente nag-angkon ini sang pilas sa magkatuhay nga bahin sang lawas kag maswerte naman nga wala mabunggoan ang amu nga ido.
Samtang, madasig naman nga ginrespondehan sang BFP Tapaz ang amo nga hitabo kag ginpadangat sa ospital matapos nga gindapatan sang pauna nga pagbulong.
