ROXAS CITY – Pilason ang driver sang motorsiklo matapos nga aksidente sini nabungguan ang isa ka Toyota Fortuner nga salakyan sa Barangay Bago, Roxas City.
Base sa inisyal nga imbestigasyon sang Roxas City Police Station nga samtang ginasubay nanday Winefred Caldeo 64-anyos, driver sang Toyota Fortuner kaupod ang pasahero sini nga si Christabel Caldeo 35-anyos nga lunsay mga residente sang nasambit nga lugar ang dalanon aksidente na lamang nga bumunggo ang motorsiklo ni Genaro Cantera 40-anyos sang amo nga lugar.
Bangud diri, nag-angkon sang pilas sa lawas si Cantera nga gilayon naman gindapatan sang nagakaigo nga pagbulong matapos nga natumba ini sa iya ginamaneho nga motorsiklo.
Samtang, nag-angkon naman sang pila ka mga damages ang salakyan ni Caldeo tuga sang pagkabunggo sang motorsiklo ni Cantera.
Nagapadayon naman ang imbestigasyon sang mga kapulisan sa nagluntad nga insidente.
