ROXAS CITY – Nag-angkon sang pilas sa lawas ang isa ka 30-anyos nga driver matapos nga aksidnete na-side swipe sang dumptruck ang ginamaneho sini nga salakyan sa Barangay Dayao, Roxas City.
Ginkilala ang biktima nga si Leah Flores 30-anyos sang Barangay Lonoy, Roxas City.
Base sa inisyal nga imbestigasyon sang Roxas City PNP nga samtang ginasubay sang salakyan sang biktima ang dalanon sa nasambit nga lugar ginaalegar nga aksidente na lamang ini na-side swipe sang dumptruck nga gimaneho ni Dindo Bajada 49-anyos sang Barangay Dayao sining siyudad.
Bangud diri, nag-angkon sang pilas sa lawas ang biktima nga gilayon naman gindala sa ospital agud dapatan sang nagakaigo nga pagbulong.
Samtang, ang salakyan kag dump truck ang yara na karon sa kustodiya sang pulisya para sa nagakaigo nga disposisyon.
