-- ADVERTISEMENT --
ROXAS CITY – Pilason ang driver sang motorsiklo matapos nga ginaalegar nadulaan sang kontrol sa pagmaneho sa Sitio Kalubihan, Barangay Tanque, Roxas City.
Ginkilala ang biktima nga si Ali Alam 29-anyos sang nasambit nga lugar.
Base sa inisyal nga imbestigasyon sang Roxas City Police Station nga samtang ginasubay sang biktima ang dalanon sakay sa iya ginamaneho nga motorsiklo hinali na lamang ini nga nadulaan sang kontrol rason nga natumba kag tumampilak ini sa dalan.
Bangud diri, nag-angkon sang pilas sa lawas ang biktima nga gilayon naman gindapatan sang nagakaigo nga pagbulong.
