-- ADVERTISEMENT --
ROXAS CITY -Pilason ang driver sang motorsiklo matapos nga ginaalegar nadulaan sang kontrol sa pagmaneho sang motorsiklo sa Barangay Manjoy, Dao, Capiz.
Ginkilala ang biktima nga si Jm Anthony Madia 30-anyos sang Barangay Poblacion Sur, Sigma, Capiz.
Base sa inisyal nga imbestigasyon sang Dao PNP nga samtang ginasubay sang nasambit nga persona ang dalanon sakay sa motorsiklo hinali na lamang ini nga nadulaan sang kontrol sa pagmaneho rason nga natumba ini sa dalan.
Bangud diri, nag-angkon sang pilas sa lawas ang biktima nga gilayon naman gindapatan sang nagakaigo nga pagbulong.
Nahibaluan nga yara sa idalom sang impluwensya sang makahulubog nga ilimnon ang biktima sang nagluntad ang aksidente.
-- ADVERTISEMENT --
