ROXAS CITY – Ginhilway na sa karsel sang Roxas City Police Station ang driver sang truck nga Nakaparada nga aksidente nabungguan sang motorsiklo sakay sang mag abyan nga ginbawian sang kabuhi sa Arnaldo Boulevard,Barangay,Baybay Roxas City.
Ini matapos ginkumpirmar ni PCMS. RAMIL ARCANGELES TAGPAMABA ROXAS CITY PNP suno kay Arcangeles, ginhilway ang wala na ginhingadlan nga driver, matapos nagtakop ang reglementary period of detention sini.
Kun sa diin, Matandaan ang driver sang nasambit nga motorsiklo amo si alyas “Jeff” kag ang back rider amo si alyas “JM” nga lunsay mga residente sang syudad sang Roxas.
Nahibaluan nga samtang ginasubay sang nasambit nga mga biktima ang dalanon pasulod sa syudad sang Roxas nagikan sa may bahin sang Barangay Baybay, Roxas City, hinali ini nga bumunggo sa nakapark nga truck sa lugar. Bangud sa impact sang pagkabunggo nag angkon sang patal nga pilas sa ila nga mga ulo ang biktima bangud wala sang suksok nga helmet ang mga ini.
Gilayon man nga gindapatan sang pauna nga pagbulong ang mga biktima antes ginpadangat sa pinakamalapit nga ospital, apang gindeklarar ini nga dead on arrival sang doctor nga nag atendir.
Samtang ginahulat naman sang kapulisan ang medico legal para idugang sa desisyon sang pamilya sang biktima sa pagpasaka sang nagakaigo nga panumbungon.
Sa karon,nakakustodiya ang mga imbolbado nga mga behikulo sa Roxas City PNP para sa nagakaigo nga disposisyon.
