Patay ang isa ka driver sang modern jeepney matapos ginluthang sang suspek nga nagpakuno-kuno nga pasahero sa Antipolo City, Rizal.
Makita sa camera sang awto ang naghimo sang krimen nga nagaluthang sa biktima sa malapit nga distansya.
Ginpahayag sang konduktor sang jeepney sa mga pulis nga nagamaneho sila sang kaagahon sang Biernes, Disyembre 19, 2025, sang ginpalapitan sila sang naghimo sang krimen.
Ang suspek nagsakay sa tupad sang driver, namangkot pa siya kon pila ang plete. Apang sa baylo nga magbayad, naggabot ini sang pusil kag ginluthang sang makaduha ka beses ang biktima.
Nagpalagyo ang suspek sakay sa motorsiklo nga wala sang plate number.
Padayon ang imbestigasyon sang kapulisan agud mahibaluan ang identity sang nag-atake kag motibo sa krimen.
