ROXAS CITY – Gindeklarar nga dead on arrival sa ospital ang tatlo ka mga persona matapos ang pagkabunggo sang isa ka pampasahero nga van sang Lady Maldita nga may biyahe Roxas City – Estancia, Iloilo and vice versa sa puno sang mangga, sa Barangay Binuntucan, Pontevedra, Capiz.
Ginkilala ang mga napatay nga sanday George Acunin, 61-anyos, driver sang Van nga residente sang Brgy. San Pedro Pontevedra, Capiz kag duha ka mga bystanders nga sanday Dich Lovil Villariz, 45-anyos residente sang nasambit nga barangay, kag Alinalyn Ernesto 32-anyos nga residente sang Brgy. San Esteban, Pilar, Capiz.
Sa interview sang Bombo Radyo kay PMaj. Syril Punzalan, hepe sang Pontevedra MPS, nga sandig sa statement sang mga nakakita sa aksidente, nga naga-ekis-ekis na ang van samtang nagapadulong sa grupo sang mga persona sa kilid sang dalan.
Ginklaro sang hepe nga sandig sa ila pag-imbestigar, wala sang nagtabok nga bata sa karsada, kundi suno sa mga naka-survive nga mga pasahero nga sang yara palang sila sa Bailan, nagpundo ang van kag nagpanaog ang nasambit nga driver kag medyo nadugayan ini sa pagbalik, nga naglaong nga nagpangihi.
Apang, sang yara na sila sa Brgy. Binuntucan, nagpahigad ini sa pagmaneho matapos nga nagpa-ekis-ekis, apang kadasig sang hitabo nga napanghapit na ang 1 ka nagabantay sang salakyan nga si Alinalyn Ernesto kag ang 1 sa mga nagatambay sa puno sang mangga nga si Dich Lovil Villariz.
Indi pa matumod sa karon kun gin-atake sa iya balatian ang nasambit nga driver, nga gintunaan sang aksidente.Madasig nga ginpangdala sang mga katapo sang UMWAD President Roxas responders, BFP-Pontevedra kag iban pa ang nagkalapilasan sa ospital.
Yari ang mga pangalan sang mga bystanders:*Chammy Ann Ubas, 22-anyos mga kabataan nga sanday “Fredrex” 3-ka tuig kag “Quenn” 11-ka bulan.*Dich Lovil Villariz, 45-anyos (DOA) *Ruth Ubas, 55-anyos, nga mga residente sang Brgy. Binuntucan, Pontevedra, Capiz kag *Alinalyn Ernesto (DOA).
Samtang ang mga pasahero sang van ang ginkilala nga sanday:*Erlinda Santillan, 48 –anyos kag residente sang Brgy. Ibaca, Pres. Roxas, Capiz,*Eva kag Nasha Tan, nga mga residente sang Brgy. Cayus, Pilar Capiz, *Gloweth Hubahib, 45 –anyos kag residente sang Brgy. San Nicolas, Pilar, Capiz, *Maria Nelma Taay, 59 –anyos nga taga Brgy. Swa, Pres. Roxas, Capiz, *Gary Hubahib, 44 –anyos mga himata nga sanday “Wynary” 16-anyos, “Wynvar” nga 6-ka tuig kag “Wenry” nga 9-ka tuig, lunsay mga residente sang Brgy. San Nicolas, banwa sang Pilar.*Rachel Emanig, 57-anyos*Naomi Grace Emanig, 24-anyos*Geoveina Tebia, 36-anyos kag*Nathan Jedidieh Tebia, nga mga residente sang Brgy. Natividad, Pilar, Capiz.
Nagapadayon sa karon ang imbestigasyon sang mga kapulisan angut sa aksidente.
