Driver sang motorsiklo nga bumunggo sa naka-park nga dump truck, ginbawian sang kabuhi

(UPDATE) – Ginbawian sang kabuhi samtang ginabulong sa isa ka ospital ang driver sang motorsiklo nga bumunggo sa naka-park nga dump truck sa national highway sang Poblacion Ilaya, Cuartero, Capiz.

Matandaan nga ginkilala ang biktima kay Julius Flores, 41-anyos, residente sang Brgy. Malagab-i, sa amu man nga banwa.

Ba-se sa imbestigasyon sang Cuartero MPS, nagikan sa town proper ang biktima sakay sa iya motorsiklo kag papuli na kuntani sa ila barangay, apang pag-abot sa lugar, wala sini madiparahan ang naka-park nga dump truck sa kilid sang karsada kag aksidente ini nga bumunggo.

Bangud diri, nag-angkon sang patal nga pilas sa ulo ang driver nga gintunaan sang iya kamatayon.

Wala man sang sakay ang amu nga dump truck.