ROXAS CITY – Patay ang driver sang motorsiklo matapos nga bumunggo sa kasugata sini nga patrol car sang pulis sa Barangay Cabugao, Roxas City alas 8:50 sang kagab-i.
Ginkilala ang driver sang patrol kay Dominick Himan, 34-anyos nga na-assign sa Dumalag Municipal Police Station kag residente sang Barangay Sta. Cruz sa amu nga banwa.
Samtang ang dirver naman sang motorsiklo nga Kawasaki Barako ang ginkilala kay Aaron Balcoba 30-anyos kag residente sang Ivisan, Capiz.
Sa nakuha nga impormasyon sang Bombo Radyo sa Roxas City PNP, nagpangagaw sang linya ang wala pa matumod nga driver sang smash 115 rason nga nagbunggo ini sa salakyan sang pulis.
Bangud sini, patal nga pilas sa nagkalain-lain nga bahin sang lawas ang naangkon sang driver sang Suzuki smash 115 nagaduag pink sa diin amo ang gintunaan sang iya kamatayon.
Nag-angkon naman sang pilas si Balcoba, samtang maswerte naman nga wala sang pilas si Himan.
Bangud sa natabo, gilayon nga ginrespondihan sang Capiz Emergency Response Team (CERT) ang mga nagkalapilasan kag ginpadangat sa ospital apang gindeklarar nga dead on arrival sang doctor ang driver sang Smash.
Sa karon yara ang bangkay sang driver sang Smash 115 nga may plete number 682FLT sa Capiz Doctors Hospital nga wala pa makilan-an sa diin nakasuksok sang t-shirt nagaduag green kag may tattoo sa wala nga abaga.
