ROXAS CITY – Yara na sa karun sa istable nga kondisyon ang driver sang motorsiklo nga bumunggo sa truck nga may karga nga butong sa Barangay Lawaan, Roxas City.
Sa interview sang Bombo Radyo kay PLT. COL. Francisco Paguia, Chief of Police sang Roxas Component City Police Station, ginpahayag sini nga lunsay ginasubay sang driver sang motorsiklo nga Bajaj ang dalan kag ang truck nga may karga nga butong apang pag-abot sa lugar kung sa diin ginluntaran sang insidente, ginaalegar ma-overtake kun tani ini apang bangud may kasugata nadulaan na ini sang kontrol sa iya pagmaneho rason nga bumunggo sa likod sang truck kag aksidente nga natuhog ang iya nawala nga paa.
Mahibaluan nga gilayon nagresponde ang katapo sang Roxas City Emergency Response Team agud dapatan sang pauna nga pagbulong ang biktima antes ginpadangat sa ospital.
Suno kay Paguia, yara sa impluwensya sang makahulubog nga ilimnon ang nasambit nga biktima.
Sa karun, padayon nga nagahinala ang magkatuhay nga bahin angut sa insidente samtang padayon naman ang imbestigasyon sang mga otoridad.
