ROXAS CITY – Patay ang driver sang Honda TMX nga motorsiklo matapos bumunggo sa kasugata sini nga truck sa Barangay Lawaan, Roxas City takna alas 9:32 kagab-i Hulyo 29, 2023.
Ginkilala ang driver sang Isuzu rebuilt wing van six wheeler truck kay Alexander Geniza 52-anyos kag residente sang Bulalacao Oriental Mindoro, samtang ang driver naman sang motorsiklo ang wala makilan-an.
Sa impormasyon nagikan sa Roxas City Component Police Station samtang ginasubay ni Geniza ang dalan nagikan sa Kalibo Aklan padulong kun tani sa Teodoro Arcenas Trade Center Barangay III sang hinali na lamang nga ginapahayag naglapaw sa pihak nga linya ang motorsiklo rason sang iya pagkabunggo kag pagkatumba.
Bangud sini, nag-angkon sang patal nga pilas sa iya ulo ang driver sang motorsiklo nga madasig naman ginpadangat sa Capiz Doctors Hospital agud kun tani hatagan sang nagakaigo nga pagbulong apang, gindeklarar ini nga dead on arrival sang doctor.
Samtang, boluntaryo naman nga nagsungka sa otoridad si Geniza, kag nagapadayon pa ang imbestigasyon sang mga kapulisan angut sa insidente.
