PONETEVDRA, CAPIZ – Patay ang isa ka caretaker ukon manugbantay sa punong matapos nabungguan sang isa ka motorsiklo sa Barangay Rizal, Pontevedra, Capiz.
Ginkilala ang biktima nga si Bruce Julian 52-anyos sang nasambit nga doog nga nag-angkon sang kasamaran sa lawas.
Sandig sa inisyal nga imbestigasyon sang Pontevedra PNP nagapauli na ang biktima sang hinali nga nagliko sa ginaagyan nga dalan ang driver sang tricycle nga si Eddie Degala 50-anyos sang nasambit nga barangay
Bangud diri nabungguan sang iya tricycle ang motorsiklo sang biktima nga ginaalegar madasig man ang pagpadalagan.
Gindala pa sa ospital si Julian, apang gindeklara ini nga dead on arrival sang doktor.
Samtang matapos ang insedente nagpalagyo si Degala kag ginbilin ang tricycle sa lugar nga ginluntaran sang aksidente.
