Driver sang motorsiklo pilason matapos ang pagbungguanay sang jeep kag motorsiklo sa Brgy. Bolo, Roxas City

ROXAS CITY – Pilason ang driver sang motorsiklo matapos ang nagluntad nga pagbungguanay sang jeep kag motorsiklo sa Barangay Bolo, Roxas City.

Base sa inisyal nga imbestigayon sang Roxas City PNP nga samtang  ginamaneho ni Anthony Acepcion 48-anyos sang Barangay Lawaan ang jeep kag paliko na kuntani sa isa ka gasolinahan agud magpatughong aksidente na lamang ini nga na-side swipe sang motorsiklo nga ginamaneho ni Jomel Dela Cruz 20-anyos sang Barangay Daga, Panay, Capiz.

Bangud diri, natumba ang motorsiklo rason nga nag-angkon sang pilas sa lawas si Dela Cruz nga gilayon naman gindala sa ospital agud dapatan sang nagakaigo nga pagbulong.