-- ADVERTISEMENT --
Roxas City – Nag-angkon sang pilas sa lawas ang 37-anyos nga driver sang motorsiklo matapos ginbungguan sini ang isa ka salakyan sa Barangay Dinginan, Roxas City.
Nag-angkon sang pilas sa lawas ang biktima nga si Ariel Barrientos sang San Isidro, Santa Rosa, Laguna.
Base sa imbestigasyon sang Roxas City PNP nga samtang ginasubay ni Barrientos ang dalanon sakay sa iya motorsiklo aksidente na lamang sini nabungguan ang salakyan nga ginamaneho ni Marvin Famaranco 24-anyos sang Barangay San Jose, Dumalag, Capiz.
Bangud sa mabaskog nga impact sang pagkabunggo natumba ang motorsiklo ni Barrientos kag nag-angkon ini sang magkatuhay nga pilas sa lawas kag gilayon gindala sa ospital agud madapatan sang nagakaigo nga pagbulong.
