ROXAS CITY – Nag-angkon sang pilas sa magkatuhay nga porsyon sa lawas ang driver sang motorsiklo matapos nga ginaalegar ginbungguan sang L300 van nga salakyan sa Barangay Rizal, Pontevedra, Capiz.
Ginkilala ang biktima nga si Anias Dayao 52-anyos sang Barangay Cogon, Panitan, Capiz.
Base sa inisyal nga imbestigasyon sang Pontevedra PNP samtang ginasubay sang biktima ang nasambit nga dalanon sakay sa iya nga motorsiklo hinali na lamang ini ginbungguan sang nagasunod nga L300 van nga ginamaneho naman ni Federico Bagares 49-anyos sang banwa sang Pres. Roxas, Capiz.
Bangud diri, natumba ang motorsiklo sang biktima rason nga nag-angkon ini sang pilas sa lawas nga gilayon naman gindala sa ospital agud dapatan sang nagakaigo nga pagbulong.
Temporaryo naman nga ginkustodiya si Bagares sa Pontevedra Municipal Police Station para sa nagakaigo nga disposisyon samtang ginhilway man ni gilayon matapos ang 12 oras nga reglementary period.
