Driver sang motorsiklo pilason matapos nga ginaalegar naaksidente bangud sa layaw nga ido

ROXAS CITY – Nag-angkon sang pilas sa lawas ang 23-anyos nga lalaki matapos nga ginaalegar naaksidente sa ginamaneho nga motorsiklo bangud sa layaw nga ido sa Arnaldo Boulevard, Barangay Tanque, Roxas City.

Ginkilala ang driver sang motorsiklo kay Clark Christian Depeña residente sang Barangay Poblacion Tabuc, Maayon, Capiz.

Base sa inisyal nga imbestigasyon sang Roxas City PNP nga samtang ginasubay sang amo nga driver ang dalanon hinali na lamang nga may nagtabuk nga layaw nga ido rason nga nadulaan ini sang kontrol sa pagmaneho kag natumba sa motorsiklo.

Bangud diri, nag-angkon sang pilas sa lawas ang biktima nga gilayon naman gindapatan sang nagakaigo nga pagbulong.