ROXAS CITY-Ginhilway na sa kustodiya sang Dumalag Municipal Police Station ang driver sang Six Wheel Truck nga nakabunggo sa salakyan kag apat ka mga naga park nga motorsiklo sa Barangay Poblacion, Dumalag Capiz.
Matandaan ang driver sang six wheeler truck ang ginkilala nga si Rio Homeres sang Barangay Bitoon-Ilaya, Cuartero Capiz.
Sandig sa inisyal nga imbestigasyon sang Dumalag Municipal Police Station nagaguwa nga samtang ginasubay sang six wheeler truck nga ginamaneho ni Homeres ang patakason nga porsyon sang amo nga banwa, ginaalegar nga nadulaan ini sang preno rasun nga nabungguan sini ang ginasundan nga salakyan nga ginamaneho ni Andrea Mae Ely, residente sang Libas Banga, Aklan.
Magluwas diri, ginsalakay man sang amo nga truck ang apat ka mga motorsiklo nga nagapark sa kilid sang dalan.
Nag-angkon sang kasamaran sa nagkalain-lain nga bahin ang mga imbolbado nga salakyan.
