Pilason ang driver kag pahinante sang truck matapos ginluthang sang riding-in-tandem sa syudad sang General Santos.
Gintudlo sang driver nga ang iya anay live-in partner amo ang angkas sang gunman.
Suno sa report, natabo ang pagpangluthang samtang gina-check sang pahinante ang ila naka-park nga salakyan sa Barangay Lagao.
Ang driver nga nagapungko gintiro sang riding-in-tandem nga nag-abot, nga naigo sa abaga kag liog.
Samtang minor injuries naman ang naangkon sang pahinante tuga sang pag-igo sini sang debris sang truck.
Antes sila gindala sa ospital, ginpahayag nga ginsambit sang driver sa kapulisan nga ang iya anay live-in partner amo ang angkas sang gunman.
Nadakpan sang ulihi ang babaye, nga nagapanginwala nga may kaangtanan siya sa krimen.
Padayon naman nga ginapakita ang nasambit nga gunman.
Suno sa kapulisan, personal nga away ang posible motibo sa krimen
