Driver sang van patay sang mabungguan ang poste sang isa ka telecommunications company

ROXAS CITY – Patay ang 38-anyos nga driver sang closed van matapos nakabunggo sa poste sang isa ka telecommunications company sa Barangay Amaga, Sigma, Capiz.

Nag-angkon sang patal nga pilas sa ulo ang biktima nga ginkilala kay Joel Hernandez sang Barangay Bangon-Bangon, Sigma, samtang padayun nga ginabulong sa Mambusao District
Hospital ang pahinante nga si Tommy Almado 25-anyos.

Nagaguwa sa imbestigasyon sang Sigma PNP nga nag-overtake si Hernandez sa nauna nga salakyan kag wala ginalauman nga nadulaan sang preno tobtob nakabunggo sa poste.