Nagapanawagan ang mga drivers sang mga colorum nga tricycle sa Roxas City sa gobyerno nga kuntani hatagan man sila sang cash assistance.
Sa interview sang Bombo Radyo kay alyas Dex, Driver sang Colorum nga tricycle, iya ginpahayag nga indi manlang pili ang apektado sang padayon nga pagtaas sang presyo sang gatong bangud sa nagakahinabo nga kinagamo sa Middle East.
Suno kay alyas Dex, sa ila nga bahin bilang colorum drivers, apektado man sila sa amo nga krisis nga ginapangatubang sang pungsod.
Pahayag niya, kuntani mahatagan man sila sang bulig nagikan sa gobyerno agud mapahagan-hagan ang ila nga mga ginapas-an pag-abot sa gastusan sa pang-adlaw-adlaw.
Nahibaluan nga una na nga ginsiling sang Department of Social Welfare and Development (DSWD) nga padayon nga ginatun-an sang mga natungdan ang mga programa kag bulig nga mahimo nga ihatag sa mga colorum drivers.
