Arestado ang apat tanan nga mga individual sa ginpatigayon nga search warrant operation sang katapo sang Philippine Drug Enforcement Agency sa Barangay Punta Tabuc, Roxas City.
Ang mga arestado amo ang mag-utod nga sanday alyas “Alona” kag alyas “Jay-r” legal ang pangidadon lunsay residente sa nasambit nga lugar.
Samtang arestado man ang duha ka lalaki nga sanday alyas “Ren” nga residente sang Barangay Baybay, kag alyas “Garry”, residente sang Barangay Dayao sang nasambit nga syudad.
Sa interview sang Bombo kay Jury Rocamora, Investigation Agent V Provincial Officer sang Philippine Drug Enforcement Agency-Capiz Provincial Office, iya ginpahayag nga ang main subject sa amo nga operastion amo ang mag-utod.
Suno kay Rocamora, nakuha sa paghinakop sang mga arestado ang 42 tanan ka sachets sang suspected shabu.
Sa subong yara na sa kostudiya sa Philippine Drug Enforcement Agency (PDEA) ang mga arestado kag magapangatubang sa paglapas sa Republic act 9165 ukon Comprehensive Dangerous Drugs Act of 2002.
