Hugot nga ginapatuman ang drug-free workplace ordinance kag random drug test sa katapo sang Roxas City Government Officials.
Sa interview sang Bombo Radyo kay Dr. Faye Besana, City Anti-Drug Abuse Council “CADAC”, focal person, iya ginpahayag nga 20 ka barangay na sa karon ang drug cleared, samtang 27 naman ang uncleared nga barangay.
Suno kay Besana, yara na sa kapin 900 ang nag gradwar sang mga Persons Who Use Drugs “PWUDS”, kun sa diin ang CADAC nagpatuman sang intervention kag referral sa mga sa nagakaigo nga rehabilitation ukon treatment program agud mabuligan sila nga makabalik sa normal nga pangabuhi.
Pahayag pa niya ang ahensya sang CADAC isa sa mga counsel nga nagaduso nga mangin drug free mapabaskog ang kampanya batok sa iligal nga druga, mapadayon ang pagdeklara sang drug-cleared barangays, kag maprotektahan ang komunidad batok sa ilegal nga druga.
Dugang pa sang natungdan nga pinaagi sa padayon nga koordinasyon sang lokal nga panguluhan, mga barangay, Philippine National Police, kag iban pa nga mga partner agencies, ginapaabot sang CADAC nga mas madamo pa nga barangay ang mangin drug-cleared kag mapabilin nga luwas kag drug-free ang Roxas City.
