-- ADVERTISEMENT --
ROXAS CITY – Arestado ang isa ka drug surenderee sa drug buybust operation sang Ivisan PNP sa Barangay Cudian, Ivisan, Capiz.
Ginkilala ang drug personality nga si Anthony Clementel, 39 anyos.
Sa interview sang Bombo Radyo Roxas kay Police Senior Inspector Rene Hare, hepe sang Ivisan PNP, madugay ang ila ginhimo nga monitoring kay Clemental antes ginpatigayon ang operasyon.
Narekober sa posesyon ni Clementel ang pito ka mga sachets sang shabu kag P500 nga marked money.
Nakabilanggo sa karon sa Ivisan PNP si Clementel kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
