Drug surrenderee ginsungka ang indi lisensiyado nga mga armas

ROXAS CITY – Agud mapakita sang 40-anyos nga drug surenderee ang sinseridad sang iya nga pagbag-o, personal sini nga ginsungka sa kapulisan sang Pilar Municipal Police Station ang duha ka mga armas.

Gin-updan ang drug surrenderee sang duha ka opisyal sang barangay kag ginsungka sa mga kapulisan ang (1) caliber .22 smith and wesson nga may tatlo ka mga bala kag (1) 12 gauge shotgun.

Nahibaluan nga nakumbinse ang wala ginpangalanan nga drug surenderee sang alkalde sang Pilar subongman sang provincial director sang Capiz Police Provincial Office nga isungka ang indi lisensiyado nga armas.