ROXAS CITY – Ginturn-over na sa kustodiya sang Burea of Jail Management ang Penology, Roxas City Jail ang 29-anyos nga drug suspek matapos nga nadakpan sa ginkasa nga drug buybust operation sa boundary sang Barangay Milibili kag Barangay Lawaan sining siyudad sadtong Hunyo 21, 2020.
Ginkilala ang drug suspek nga si James Villareal, sang Barangay Bolo, sining siyudad.
Ini matapos napamatud-an nga naglapas ini sa panumbungon nga paglapas sa Republic Act 9165 ukon Comprehensive Dangerous Drugs Act of 2002 ang nasambit nga suspek.
Matandaan nga kaupod sini nadakpan si Gilbert Marcelino, 38 anyos sang Barangay Tanza sining siyudad.
Nahibaluan nga narekober sa posisyon sang mga suspek ang 11 tanan ka sachets sang ginapatihan shabu nga nagabug-at sang 15 grams kag ginabulubanta nagalab-ot sa P195,000 ang estimated market value.
Magluwas diri, narekober man sa mga suspek ang P29,000 nga boodle money, P1,000 nga buybust money kag mga drug paraphernalia.
