Hugot nga ginapamatukan sang mga biktima sang drug war ang “Request for Leave to Appeal” ukon pangabay sang pahanugot para sa kampo ni former President Rodrigo Duterte nga i-apela ang confirmed charges batuk sa iya.
Ginpanindugan sang common legal representatives of the victims (CLRV) nga napaslawan ang depensa nga magpresenta sang anuman nga isyu nga nagatuman sa mga kinahanglanon sa idalum sang Rome Statute.
Ginpahayag sang mga tiglawas sang biktima nga ang pangabay sang depensa ang nagasulit lamang sang mga argumento nga nadesisyunan na kag ginbasura na sang Pre-Trial Chamber I.
Dugang pa, indi ini isa ka bag-o nga legal nga isyu kundi isa lamang ka pag-ugyon sa pag-analisar sang mga ebidensya
Ginapanindugan sang bahin sang mga biktima nga dapat ipadayon ang kaso batok kay Duterte may kaangtanan sa mga crimes against humanity nga nagluntad sa Pilipinas.
Matandaan nga sang Abril 29, nagpangayo sang pahanugot sa ICC ang legal team sang anay presidente nga mag-file sang apela may kaangtanan sa desisyon sang Pre-Trial Chamber I nga nagapamatuod sang akusasyon batuk kay Duterte.
