Gin-athag sang Department of Social Welfare and Development (DSWD) nga indi kinahanglan ang Comelec certification agud makakuha sang financial assistance para sa qualified public transportation drivers.
Ginhimo sang DSWD ang paathag kasunod sang mga report sa cash relief sang ahensya, matapos ginaalegar nagpangayo sang certification form ang mga habal-habal drivers sa Comelec office sa Cebu City.
Suno kay DSWD spokesperson ASec. Irene Dumlao, lisensya lang ang kinahanglan gikan sa mga driver agud mapadasig kag indi na sila mabudlayan sa pagkuha sang cash aid.
Ginklaro man ni Dumlao nga ang P5,000 nga financial assistance sa idalum sang Assistance to Individual in Crisis Situation (AICS) ang para lamang sa kwalipikado nga PUV drivers nga apektado sang bag-o lang nga pagtaas sang presyo sang langis.
Ang iban nga sektor mahimo makakuha sang cash relief gikan sa mga talatapan sang DSWD sa idalum sang programa sang AICS, siling niya.
