Ginpasiguro sang Department of Social Welfare and Development (DSWD) nga magapadayon ang cash assistance para sa mga driver nga apektado sang krisis sa Middle East kag pagsaka sang presyo sang gatong, sa idalum sang Assistance to Individuals in Crisis Situation (AICS).
Suno kay DSWD spokesperson Assistant Secretary Irene Dumlao, may yara sang ₱30 bilyon nga pondo sa amo nga programa sang gobyerno.
Tinutuyo sang ahensya nga matapos sa sini nga bulan sang Abril ang una nga bug-os nga pagpanagtag sang cash assistance para sa mga apektadong driver.
Para sa ikaduha nga hugna, plano sang ahensya nga gamiton ang e-wallet system sa pagpanagtag sang ayuda, Apang nagapadayon pa ang proseso sa pagpili sang service provider kag ginarepaso pa ang mga dokumento sang mga kompanya nga nagpasakop sa bidding.
