Naberepika na sang Department of Social Welfare and Development (DSWD) ang masubra sa 400k nga mga pamilya bilang kabahin sang Pantawid Pamilyang Pilipino Program ukon 4P’s.
Makabaton ang mga ini sang isa ka conditional cash assistance halin sa ahensya nga amo naman ang nagakadapat ipain para masiguro nga makasulod ang ila mga bata sa eskwelahan.
Suno sa DSWD Asec. kag Spokesperson Irene Dumlao sa Pugay Tagumpay Ceremony nga ang kabug-usan nga numero ang yara sa 434,317 nga mga pamilya nga ini ang masunod nga mahatagan sang tsansa para mangin benepisyaryo sang programa.
Sa karon, yara na sa indi magnubo sa 4 ka milyon nga pamilya ang benepisyaryo sa idalum sang programa kun sa diin nakabaton ang mga ini sang bulanan nga suporta pinansyal para sa kinahanglanon pang-kalusugan sang mga ini kag mga dugang nga bulig pa para sa mga bata sa kada balay nga benepisyaryo sini.
