Naabot na sang Department of Social Welfare and Development ang inisyal nga bulig sa 22-year-old nga sampaguita vendor nga nag-viral online.
Nasal-an nga menor de edad ang nasambit nga indibidwal sa isa ka video online bangud sa iya suksok nga school uniform kun sa diin ginhablot sang isa ka security guard ang baligya sini nga sampaguita.
Suno kay DSWD spokesperson Assistant Secretary Irene Dumlao, napaabot na nila ang P20, 000 nga inisyal nga cash aid sa iloy ni Jenny alinsunod sa nangin mandu ni DSWD Sec. Rex Gatchalian.
Dugang pa sini, nakatalana nga magbalik ang mga case manager sang ahensya para sa paghiwat sang dugang nga assessment.
Ang ginatuyo sang ini nga tikang nga matumod pa ang mga dugang nga bulig nga mahimo ipaabot sang DSWD sa pamilya sini.
